Pensilvaniya shtatidagi Lancaster Country Day School (LCDS) maktabi, sinfdoshlari sun'iy intellekt yordamida 59 nafar o'quvchi qizning soxta yalang'och suratlarini yaratganligi oshkor bo'lganidan keyin bosim ostida qolgan edi, endilikda ota-onalarning da'vo arizasini rad etishni so'rab sudga iltimosnoma kiritdi.
Jabrlanganlarning oilalari maktab rahbariyati oylar davomida bu masalada sukut saqlaganini va bu holat o'g'il bolalarga yanada ko'proq qizlarni nishonga olishga jur'at berganini ta'kidlamoqda. Biroq, maktab o'z himoyasida qonuniy organlarga xabar bermaganlik haqidagi da'voning noto'g'ri ekanligini, zero dastlabki xabar maktabga Pensilvaniya shtati Bosh prokuraturasidan (bu organ o'zi huquq-tartibot idorasi hisoblanadi) kelib tushganini ma'lum qildi.
Bundan tashqari, xususiy maktab rasmiylari dastlabki bosqichda jabrlanganlarning shaxsini bilmaganliklarini, chunki ular olgan ma'lumotda biror bir aniq o'quvchining ismi keltirilmaganini ta'kidladilar. Ushbu holat ta'lim muassasalarida tasvir yaratuvchi texnologiyalardan suiiste'mol qilinishi bilan bog'liq eng jiddiy huquqiy muammolardan biriga aylandi.