Google bugun Gemini 3.5 Transcribe nomli yangi modelni taqdim etdi; bu — "um" kabi ortiqcha audio bo‘laklarni va tuzatishlarni olib tashlab, toza hamda foydalanishga yaroqli yakuniy matn hosil qiluvchi sun’iy intellektga asoslangan tizim. Ushbu model hozirda Pixel 11 telefonlaridagi Gboard klaviaturasining "Rambler" funksiyasida qo‘llanilmoqda va yaqin orada Google ekotizimining barcha xizmatlariga joriy etiladi.
Google’ning ma’lumotiga ko‘ra, Gemini 3.5 Transcribe o‘zining avvalgi versiyasi — Chirp 3 ga nisbatan taxminan 70% tezroq ishlaydi va jonli nutqdagi xatolik darajasini 7,32% dan 5,5% gacha kamaytiradi. Yaxshilanish unchalik katta ko‘rinmasada, foydalanuvchilar ovozli kiritishga tayanadigan kundalik vaziyatlarda kamroq xato va yuqori tezlik foydalanuvchi tajribasini sezilarli darajada yaxshilashi mumkin.