AQShning Konnektikut shtatidagi sudya sud hujjatlarida sun'iy intellekt tizimlarini chalg'itishga bo'lgan birinchi urinish aniqlanganini ma'lum qildi. Ushbu ishda da'vogar faqat sun'iy intellekt tizimlari o'qiy oladigan yashirin matnni kiritish orqali sud jarayonining borishini o'z foydasiga o'zgartirishga harakat qilgan.
Ish bo'yicha sudya kichik Uolter Speyder ushbu yashirin matnlar inson ko'ziga ko'rinmaydigan, ammo matnni qayta ishlash dasturlari tomonidan to'liq o'qilishi mumkin bo'lgan shaklda formatlanganini ma'lum qildi. Ushsn yashirin ko'rsatmalar sun'iy intellektga o'z natijalarini da'vogarning vajlariga moslashtirishni va sudning oldingi salbiy qarorlarini e'tiborsiz qoldirishni buyurgan. Garchi bu harakat yakuniy qarorga hech qanday ta'sir ko'rsatmagan bo'lsa-da, sudya buni sudlarda sun'iy intellekt vositalari keng tarqalishi sharoitida sud xavfsizligiga tahdid solishi mumkin bo'lgan "xavfli pretsedent" deb baholadi.